Nagdangat sa 1.8 milyon ka tawo ang na-stranded sa northeast Bangladesh, bangud sa pila n aka semana nga pag-ulan nga nagresulta sa pagkalumos sang mga kabalayan kag ulumahan, suno sa state media kag humanitarian agencies.
Suno sa Water Development Board, ang malapnagon nga pagbaha ang resulta sang madugay nga mabunok nga ulan kag pag-ilig sang tubig gikan sa nabukid nga bahin sang rehiyon kag pag-awas sang tubig sa apat ka suba.
Sandig sa report sang local media, ginakabalak-an sang mga residente nga na-trap sa baha ang kakulangan sang pagkaon kag malipyo nga tubig.
Nahibaluan nga 964,000 ka tawo sa Sylhet kag 792,000 sa Sunamganj ang naapektuhan sang pagbaha, sa diin 772,000 diri ang mga kabataan nga nagakinahanglan sa karon sang bulig, suno sa United Nations’ Children’s Fund (UNICEF).
