Kumpiyansa ang Malakanyang nga respetuhon sang Amerika ang “sovereign prerogative” sang Pilipinas may kaangtanan sa pag-uyat sini sa pag-aresto kay anay Presidente Rodrigo Duterte tungod sang warrant of arrest nga ginpagwa sang International Criminal Court (ICC).
Suno kay Palace Press Officer USec. Claire Castro kasunod sang pahayag ni Senator Bato Dela Rosa nga nagapanawagan kay US President Donald Trump nga i-sanction ang mga indibidwal nga nagbulig sa pag-turn over kay ex-PRRD sa ICC.
Gintagaan punto ni Dela Rosa ang ginpirmahan nga Executive Order ni Trump sang Pebrero nga nagahatag otorisasyon sang economic kag travel sanctions batok sa mga indibidwal nga naga-trabaho sa ICC kag nagahimo sang imbestigasyon sa mga US Citizens kag sa mga kaalyado sini nga mga pungsod pareho sang Israel.
Nakasaad sa EO ni Trump nga pwede magpanginwala ang US kag ang mga kaalyado sini nga mga pungsod sa ano man nga aksyon sang ICC.
Giit ni Castro nga bisan pa nga ang Pilipinas kauban sa mga kaalyado nga pungsod sang US, nagapati ini nga pagahatagan sang respeto sang Amerika ang prerogative sang pungsod.
