KORONADAL CITY – Padayon nga ginaimbestigaran sa subong ang isa ka electrician bangud siya ang ginatudlo nga suspek sa pagpangawat sang malahalon nga relo ni South Cotabato 2nd District Rep. Ferdinand Hernandez sa tunga-tunga sang Christmas Eve.
Suno sa report sang kapulisan, ang kabulig sa balay sang Congressman ang nagreport sa Koronadal City Police Station natuhoy sa pagkadula sang malahalon nga wrist watch sa sulod sang kwarto ni Hernandez matapos nga ginkay-o sang electrician nga si Joebert Valencia, 27 anyos, residente sang Barangay Mambucal, Koronadal City ang electrical lights.
Sandig sa statement ni Cain, gin-updan niya ang electrician sa kwarto apang ginbilin niya ini sang makadali agud magkuha sang hagdanan.
Ulihi naman nga nabal-an sini nga nadula na ang relo sang Congressman matapos nga nakapauli na ang nasambit nga electrician.
