“Good luck” ang nangin mensahe sang Malacañang kay Vice President Sara Duterte matapos sini gin-anunsyar nga siya ang magapapili bilang Presidente sa May 2028 elections.
Apang ginsaysay man ni Palace press officer and Presidential Communications Office Undersecretary Claire Castro ang mga kontrobersiya nga ginapangatubang sa karun ni Duterte matapos ini nagpangayo sang kapatawaran sa mga Filipino bangud sa ginaalegar kakulangan sang administrasyon sa karun.
Suno kay Castro, nabatian sang Presidente ang anunsyo kag “Good Luck” lamang ang nangin pahayag sini.
Sa pahayag ni VP Sara, nagpangayo man ini sang kapatawaran sa mga Filipino sa iya pagbulig kay President Ferdinand Marcos Jr. nga magdaog sang 2022.
Depensa ni Castro, ang mga pumuluyo ang nag-eleher kay Marcos kag nagbuligay sila sang bise-presidente sa UniTeam.
Dugang pa sini nga indi dapat pagsolohon ni Duterte ang credit kun nagdaog man ang Presidente.
