KORONADAL CITY– Panibag-o nga akusasyon na naman ang ginhaboy ni Magdalo Representative Garry Alejano sa kampo sang Duterte administration angot sa gihapon sa isyu sang ginatago nga manggad suno pa sang pamilya sang Chief Executive.
Sa interbyu sang Bombo Radyo Koronadal kay Rep. Alejano, gintawag sini nga source of fake news ang Malacañang matapos gin akusaran sini nga nagapalapta sang mga sala nga impormasyon kun sa diin ang Malacañang lamang suno pa ang yara sa likod sang impormasyon nga ginpanginwala sang Anti-Money Laundering Coucil nga ginrelease nila ang family bank records sang pamilya Duterte sa Ombudsman.
Suno kay Alejano, ginmanipula suno pa ni Pres. Duterte ang AMLC kag ang Ombudsman kag ginaipit ini paagi sa paghimo sang investigating body para sa nasambit nga mga talatapan kag pagpagpatigayon sang pagpanghadlok agud nga malain ang matood nga isyu angot sa ginatago nga manggad suno pa sini.
Samtang suportado man suno pa sini ang mga ginahaboy nga alegasyon ni Sen. Antonio Trillanes bangud tubtub subong wala sa gihapon gina atubang sang Presidente ang nasambit nga mga isyu kag tubtub subong wala sa gihapon sini ginapakita ang mga bank accounts agud nga ma debunk ang nasambit nga mga alegasyon.
