Ginkumpirma sang Malacañang ang pag-aresto kay anay Presidente Rodrigo Duterte alas 9:22 sang aga, Marso 11, 2025.
Ini pagkatapos nabaton sang INTERPOL Manila ang opisyal nga kopya sang mando sa pagdakop kay FPRRD nga ginpagwa sang International Criminal Court (ICC) sang kaagahon.
Suno sa Presidential Communications Office (PCO), mga alas-9:20 sa aga, Marso 11, 2025, nag-abot sa pungsod si anay Presidente Rodrigo Duterte nga ang iya grupo naghalin sa Hong Kong sakay sa isa ka commercial flight.
Sa iya pag-abot, ginhatagan sang impormasyon ang Prosecutor General parte sa ICC notification angot sa mando sa pagdakop batok sa anay Presidente bangud sa krimen batok sa katawhan ukon crime against humanity.
Ginsiguro sang PCO nga ara sa maayo nga kahamtangan si Duterte kag ang iya grupo, nga ginausisa pa sang mga doktor sang gobyerno ang anay pangulo agud masiguro nga sila ara sa ikaayong lawas.
Ginpahayag sang mga opisyal sang PNP nga may suot sila nga body camera samtang nagaserbisyo sa warrant agud mapadayon ang transparency sang operasyon.
Sa karon, ara na siya sa kustodiya sang mga awtoridad si anay presidente Rodrigo Roa Duterte.
