Ito ang ginpahayag ni South Cotabato Muslim Affais Chief Sultan Mutalib Sambuto sa interbyu sang Bombo Radyo Koronadal.
Suno kay Sambuto, mas maayo ang lider nga may ihibalo sa tanan agod nga siya mismo ang magatudlo sang kamaayuhan sa iya nga mga nasakupan.
Aminado man si Sambuto nga majority sa mga kauturan nga Muslim sa Mindanao ang indi sa gihapon nahangpan sang maayo ang BBL kag ang maayo nga epekto sini mangin sa pagangkon sang kalinong.
Dugang pa ni Sambuto nga kinahanglan man nila ang maisog nga lider nga sarang nga ipakigbato ang mga kasimanwa agod nga mapabilin ang peace and order sa bug-os nga rehiyon.
Magaserbi man nga role model ang magatindug nga lider sang Bangsamoro sa bwas damlag.
Kadungan sini, ginpasiguro naman ni Sambuto nga sa tion nga mapahangup sa tanan ang BBL , sinyeto porsiyento ini nga pagasuportahan sang tanan.
