LOUISIANA – Sikat sa komunidad subong sa Louisiana ang gimik sang sulterito nga si Noah Tingle, 17, para sa iya utod.
Naandan na ni Noah nga sunlugon ang utod niya nga si Max kun magpauli ini halin sa buluthoan.
Nagauntat ang school bus ni Max sa atubang mismo sang ila puloy-an.
Mahuya suno pa ang 12 anyos nga agot bangud sa daw baby siya sa ginahimo sang iya magulang
Apang ginapadayon ni Noah ang mga sunlog kag nagsuksok pa sang nagkalain-lain nga costume.
Nakit-an naman sang mga kaingod ang kaladlawan nga pagsugata sang magulang sa iya agot nga utod rason nga may nagkuha sang video.
Tubtob sa may mga nag-donate pa sang costume agud mausar ni Noah sa iya gimik.
Suno sa sultero, ginahingalitan niya ang ini nga tion nga magkaupod sila ni Max bangud magasulod na siya sa kolehiyo sa madason nga school year kag mangin malaka na ang ila pagkit-anay.
