Magulang ginlabo ang manghod

KORONADAL CITY-Nagapaayo na sa South Cotabato Provincial Hospital ang manghod matapos nga ginlabo ini sang iya magulang.

Ginkilala ang biktima nga si Edwin Diana Cortez, 27 anyos, mangunguma kag residente sang Prk. Danlag, Tampakan, South Cotabato samtang ang suspek ang magulang sini nga si Daniel Diana Cortez nga residente sang Purok Talisay sa nasambit nga lugar.

Sa inisyal nga impormasyon sang Tampakan PNP, nagbisita ang mga ini sa puluy-an sang ila nga ginikanan apang hubog si Daniel kag nagmaoy.
Ginkompronta suno pa ini ni Edwin apang ginlabo siya sa nawala nga paa.

Gilayon naman nga nagsungka sa kapulisan ang magulang nga suspek kag ginahibalo pa kun magapasaka sang kaso si Edwin.