KORONADAL CITY- Padayon sa gihapon ang pagpakigbato sa hustisya, ini ang panindugan sang mga pamilya sang mga biktima sang Maguindanao massacre kadunga sang ika walo ka tuig na sini subong makaligad ang nasambit nga krimen nga nag-utas sang kabuhi sang yara sa 58 katawo nga kadamuan mga mamahayag.
Sa interbyu sang Bombo Radyo Koronadal kay Jancine Maravilla, bata ni anay chief of reporter sang Bombo Radyo Koronadal nga si Bombo Ernesto “Bart” Maravilla, isa sa mga biktima sang Maguindanao massacre, indi sa gihapon sila maga-untat sa ila panawagan nga mahatagan sang hustisya ang kamatayon sang ila amay kag iban pa nga mga napatay sa massacre.
Dugang pa sini nga apisar pila pa ka administrasyon ang maga-agi padayon nila nga igasinggitan an hustisya sa mga nagapamuno agud manabat ang mga krimina.
Dugang pa nga nangin kabahin naman sang ila kabuhi kada tuig nga magpanawagan sa gobyerno nga ihatag ang hustisya tuga man sang mahinay nga sistema sang hustisya.
Nahibaluan nga subong nga adlaw Nobyembre 23, 2017 ang mga pamilya sang mga biktima sang 2009 Maguindanao massacre magapadulong sa massacre site ang mga ini kaupod nila ang mga, nagkalain lain nga rights group kag ila mga abogado agud nga handurawon ang makahalanusbo nga krimen.
Nahibaluan nga magapatigayon sila sang programa kag magahalad sang pagpangamuyo sa massacre site sa Sitio Masalay Brgy. Salman Ampatuan, Maguindanao kag magahalad man sang misa.
Samtang mapait kag masakit sa gihapon para sa pamilya ni anay chief of reporter Bombo Bart Maravilla kag sa kabug-usan nga katapo sang Bombo Radyo Koronadal ang nasambit nga panghitabo nga nagtatak na sa huna-huna sang bug-os nga pungsod nga isa sa pinakamadalum nga bahin kag maragtas sang mga mamahayag sang Pilipinas.
