Ginbatak na sang mga otoridad ang alerto sa Maguindanao Del Sur makaligad ang naglupok nga isa ka Improvised Explosive Device (IED) sa Barangay Ganta, Shariff Saydona Mustapha, Maguindanao del Sur nga ginkapatay sang duha ka officials.
Ini ang nangin pahayag ni BGen. Oriel Pancog, Commander sang 601st Brigade Phil. Army sa interbyu sang Bombo Radyo Koronadal.
Suno sa iya, Pulitika ang pinakarason sang nahitabo nga pagsigabong nga kung sa diin sa imbestigasyon ginkapatay sang isa ka Barangay kapitan sang Penditen, Datu Salibo Maguindanao del Sur samtang pilason naman ang isa ka kagawad kag iban pa nga mga kaupdanan sini.
Isa man sa ginpatihan nga responsable sa pagpamomba amo ang Dawlah Islamiya bangud matapos ang nasambit nga bomb attack, may natabo pa nga engkwentro sa nasambit nga lugar nga nagdugay sa 15-20 minutes kag nangin rason man sa pagbakwit sang pipila ka mga residente.
Maayo na lamang nga wala sang mga sibilyan nga nadamay apang sa karon ginapasiguro sang mga otoridad nga mangin luwas ang lugar labi na ang mga pumuluyo.
Nahibaluan nga ang napatay nga kapitan nga si Chairman Silongan ang utod ni Datu Salibo, Town Councilor Demson Silongan nga ginpatay man sang April 17 malapit sa Munisipyo.
