KORONADAL CITY – Ginpaildaom na sa state of calamity ang bug-os nga banwa sang Magpet, North Cotabato bangud sa malapnagon nga pagbaha tuga sang wala untat nga pagbubo sang mabaskog nga ulan.
Ini ang ginkumpirmar ni Ms. Jorie Mae Balmediano, information officer sang OCD 12 sa interview sang Bombo Radyo Koronadal.
Suno kay Balmediano, magluwas sa Magpet , apektado man sang baha ang mga banwa sang Pikit, Mlang, Midsayap, Kabacan kag Tulunan.
Bangud sa pagpaidalom sa state of calamity may pundo na nga pagausaron ang LGU para sa panginahanglanon sang mga residente nga apektado.
Dugang pa sini, may mga ginatos man nga residente nga ginbahaan sa mga probinsiya sang Sultan Kudarat, South Cotabato kag Saranggani province.
Apang, ginahibalo pa sa karon sang OCD-12 ang kabug-usan nga damyos nga ginbilin sang kalamidad sa mga lugar nga namensiyunar.
Kaangot sini, nagapanawagan ang opisyal sa tanan nga mga residente nga nagapuyo sa mga ginakabig nga flash flood kag landslide prone areas nga mangin vigilante agud makalikaw sa kapahamakan.
