Gintay-og ang Sarangani Island sa Davao Occidental sang magnitude 5.9 alas-6:34 sa gab-i, subong nga Sabado, Abril 4.
Suno sa report sang PHIVOLCS, nabatyagan ang pagtay-og sa iban nga mga lugar sa Mindanao, kag napagkit ang Intensity III sa syudad sang General Santos.
Napagkit man an ang Intensity III sa banwa sang Malungon sa Sarangani.
Samtang, ang Intensity II naman napagkit sa M’lang sa Cotabato, Digos City sa Davao del Sur, Jose Abad Santos sa Davao Occidental, kag mga banwa sang Malapatan kag Kiamba sa Sarangani.
Nabatyagan man ang amo nga kusog sa T’boli, Santo Niño, kag Tupi sa South Cotabato, Palimbang sa Sultan Kudarat, kag liwat sa General Santos City.
Napagkit naman ang Intensity I sa pila ka bahin sang Bukidnon, Cotabato, Davao del Sur, Davao Occidental, Davao de Oro, Misamis Oriental, Sarangani, South Cotabato, Zamboanga City, kag Davao City.
Sa karon, wala pa sang dako nga halit ukon insidente bangud sa pagtay-og.
Apang ginpahamtang ang posibilidad sang mga aftershock, gani ginpahanumdom ang publiko nga magpabilin nga alerto kag magsunod sa mga abiso sang mga awtoridad.
