KORONADAL CITY– Gintay-og sang magnitude 5.4 nga linog ang banwa sang Palimbang, Sultan Kudarat pasado alas 4 sang kaagahon.
Suno sa Philippine Institute of Volcanology and Seismology o PHILVOLCS, may kadalumon ini nga 470 kilometers kag tectonic ang origin.
Ginalauman man ang mga aftershocks kasunod sang linog kun sa diin nagpahanumdom ang Municipal Disaster Risk Reduction and Management Council ukon MDRRMC sang Palimbang, Sultan Kudarat sa mga residente nga magpabilin nga alerto sa anuman nga oras kag siguruhon nga luwas ang ila kaugalingon kag pamilya.
Sa karon naka monitor sa gihapon ang mga otoridad sa lugar bangud ang Palimbang ang isa ka coastal town nga prone sa Tsunami mula sa Celebes Sea.
Kun madumduman sang nakaligad nga adlaw, pila ka mga linog man ang napagkit sa pila ka banwa sa Rehiyon 12.
