KORONADAL CITY- Natuldukan na ang pila ka tuig nga rido sa tunga sang pamilya nanday Brgy. Kitango chairman Datu Mando Tambulungan kag Brgy. Kitapok chairman Datu Tamano Mamalapat sa banwa sang Datu Saudi Ampatuan, Maguindanao sa pagpanguna ni Brig. Gen. Diosdado Carreon ang commander sang 601st Infantry Brigade kun sa diin ginsaksihan sini ang pagpirma sang peace pact sa duha ka magkasumpong nga pamilya halin sa grupo sang Moro Islamic Liberation Front MILF kag Moro National Liberation Front MNLF.
Nahibaluan nga ang kinagamo sa tunga sang 2 ka pamilya ang nagresulta sa pagbakwit sang masobra 200 ka mga sibilyan sang nakaligad nga Hunyo 27, 2018.
Sa pihak nga bahin, ginkalipay naman sang militar ang pagsungka sang 133 loose firearms nga ginakabug-usan sang 14 rocket-propelled grenade, 22 M79 rifles, 13 M14 rifles, 3 M16 rifles, 17 mussel rifles, 1 M4 rifle, 13 shotguns, 26 Barret rifles, 9 mortars, 12 carbines, kag 3 Uzi na dako ang mabulig sa pagtapna sa kinagamo sa rehiyon.
