KORONADAL CITY- Duha ang gin bawian sang kabuhi lakip ang isa ka municipal councilor sa pagbungguanay sang apat ka salakyan sa National Highway, Barangay Langkong, Mlang, North Cotabato.
Ginkilala sang Mlang PNP ang mga napatay nga amo sanday Councilor Musa Bago, konsehal sang Datu Piang, Maguindanao kag utod sini nga si Panday Bago nga lunsya residente sang Datu Piang, Maguindanao.
Suno sa mga otoridad, naembolbar sa aksidente ang apat nga salakyan nga ginakalakipan sang salakyan sang mag utod nga Bago, salakyan sang Regional Director sang Civil Service Region 12 kag ang isa pa ka salakyan nga ginapanig iyahan sang DENR 12.
Nakaluwas naman sa aksidente ang Regional Director sang Civil Service 12 kag sakay sang iban pa nga mga salakyan makaligad nga makaangkon sang minor lamang nga pilas.
Sa karon, nagapadayon pa ang imbestigasyon sang Traffic section sang Mlang PNP kag ginahibalo pa ang kabangdanan sang pagbungguanay sang mga salakyan.
Apang suno sa iban pa nga mga nakakita over speeding ang rason sa natabo nga aksidente bangud tuman kadasig nga magpadalagan ang isa sa mga salakyan nga naimbolbar sa aksidente.
Kadungan sini, nagpaalinton naman ang mga otoridda sa mga motorista nga maghalong sa pagdrive kag likawan ang pagpadasig agud indi na maliwat pa ang aksidente.
Samtang gilayon naman nga ginlubong suno sa tradisyon sang Muslim ang mag utod nga Bago nga napatay sa aksidente.
