KORONADAL CITY – Ginbawian sang kabuhi ang mag-utod samtang pilason naman ang 4 pa nila ka kaupdanan makaligad nga maaksidente sa banwa sang Pikit, North Cotabato.
Ginkilala ang mga napatay nga sanday Jimboy Darrio Serrieza kag Mary Jane Darrio Serrieza nga lunsay residente sang Davao Del Sur.
Sa impormasyon gikan sa Pikit MPS, ginausoy sang motorsiklo nga ginamaneho ni Jimboy ang national highway padulong sa Davao del Sur sang pag-abit sa kurbada nga bahin sang Brgy. Batulawan, nabunggo sini ang nalikod nga bahin sang dumptruck.
Nahibaluan nga anum ang sakay sang motorsiklo gikan sa banwa sang Parang Maguindanao nga nagtambong sa kafiestahan didto kag papuli na ang mga ini sang magluntad ang aksidente.
Sa subong, ginabulong pa sa hospital ang apat pa ka pilason sa aksidente.
