KORONADAL CITY – Nagapadayon ang imbestigasyon sang mga otoridad sa nagluntad nga pagpangluthang sang kaugalingon nga bata sa iloy kag utod sini sa banwa sang Lake Sebu , South Cotabato.
Ginkilala ang mga pilason nga sanday Josephina Sangco Samulde, 76, kag bata sini nga si Erna Samulde Eucare, 49, lunsay residente sang Barangay Bacdulong, Lake Sebu South Cotabato.
Naguwa sa imbestigasyon sang Lake Sebu PNP nga nakaangkon sang heated argument sa tunga sang suspek na si Arnel Samulde kag utod sini nga si Erna kag sa sobra nga kaakig nagkuha ini sang armas agud nga luthangon ang kaugalingon nga utod.
Apang, amo naman ang pag-abot sang iloy sini nga may kaistorya nga bisita rason nga ginpunggan ang bata kag nagpatunga sa mag-utod nga nagaaway.
Sa baylo nga magpamati sa iloy nagpalupok si Arnel rason nga naigo sini ang iya iloy.
Gilayon naman nga nagkuha snag kahoy ang iya utod kag ginhampas si Arnel rason nga wala na nakapalupok pa.
Gindala pa sa pinakamalapit nga hospital ang mga biktima kag yara na sa luwas nga sitwasyon.
Sa subong, yara na sa kustodiya sang mga otoridad ang suspek kag ginahulat na lamang sang kapulisan ang desisyon sang kaugalingon nga iloy kag utod kung ipasaka ang kaso batuk sa iya.
