Ginkumpirma ni Vice President Sara Duterte nga gintugutan na nga makasulod ang common-law wife kag bata ni FPRRD nga sanday Honeylet Avanceña kag Veronica “Kitty” Duterte agud bisitahon ang anay presidente sa sulod sang ICC detention facility.
Madumduman nga Si Duterte yara subong sa The Hague, Netherlands matapos siya arestuhon sa Pilipinas paagi sa arrest warrant sang ICC sa kaso nga crime against humanity nga may kaangtanan sa madugo nga war on drugs sang iya administrasyon.
Suno kay VP Sara, nagdugay ang pagbisita ni Honeylet Avanceña kag Veronica “Kitty” Duterte sang tatlo ka oras sa iya sini nga ika-80 nga kaadlawaon.
Ginsiling niya, gintugutan nila nga magpalipas sang oras ang mag-iloy upod kay FPRRD bangod limitado lang ang ila panahon sa The Hague. Pagkatapos sang pagbisita, nakigkita ang duha sa mga supporters sang anay presidente.
