KORONADAL CITY– Naghingyo sang bulig subong ang isa ka amay sa banwa sang Upi, Maguindanao makaligad nga dungan ng ginbawian sang kabuhi ang mag iloy sini sang gin-anod sang nagpanalasa nga tubig baha.
Nakilal-an ang mga biktima nga sanday Linda Modunggel, 39 anyos kag mga bata sini nga sanday Melanie ,11 anyos Ritchel, 1 ka tuig nga lunsay mga residente sang Sitio Daluga, Brgy. Bantek sa nasambit nga banwa.
Suno kay PSI Jemar delos Santos, tagpamaba sang PRO-ARMM nagwa sa ila imbestigasyon nga gin-anod sang baha ang iloy kaupod ang 2 ka mga kabataan sini sang magtabok sa suba.
Gintilawan suno pa ni Linda nga itabok ang mga bata usar ang tulay nga kawyan apang gulpi lamang ini nadanlog kag nahulog sa tubig.
Bangud sa mabaskog nga current sang tubig tuga sang wala untat nga pagbubo kag malain nga paniempo gin-anod ang mga ini.
Nagpatigayon pa sang search and rescue operation ang gintingob nga pwersa sang mga otoridad, barangay officials kag Barangay Disaster Risk Reduction.
