KORONADAL CITY- Ginkasubo nga ginpakigbahin ni Bombo international correspondent Wendell Glenn Jumalon, isa ka manunudlo sa Thailand kag residente sang Malaybalay, Bukidnon ang pagpositibo sang mag asawa nga manunudlo sa Bangkok, Thailand kaupod ang 9 anyos nga bata sang mga ini.
Suno kay Jumalon, anum ka miyembro sang nasambit nga pamilya ang ginpaidalom sa test kag apat sa mga ini ang nagpositibo samtang nagnegatibo naman ang duha nga iban pa.
Sa una nga adlaw suno pa nangin kritikal ang kondisyon sang lalaki nga manunudlo apang amat-amat nga nakarekober kag yara na sa estable nga kondisyon.
Wala naman suno pa nagpabaya ang Filipino Community sa nasambit nga lugar kag ginbuligan ang pamilya nga nagpositibo sa COVID.
Sa subong, aminado ang mga OFW sa Thailand nga apektado man ang ila nga income bangud sa pagnubo sang balor sang Thailand Baht nga kinahanglan ipadala sa ila nga pamilya sa pungsod.
