KORONADAL CITY- Nagapadayon sa karon ang imbestigasyon sang mga otoridad sa nagluntad nga pagpangluthang sang mag-asawa nga NPA surrendeerees sa bawna sang Makilala, North Cotabato.
Sa impormasyon nga ginpalab-ot sa Bombo Radyo Koronadal, ginkilala ang mga biktima nga sanday Felix Abaniel, 50-anyos kag ang asawa sini nga si Teresita Abaniel, 51-anyos kag lunsay residente sang Barangay Singkatulan, sa nasambit nga banwa.
Nagagwa sa imbestigasyon sang Makilala PNP nga ginsulod suno pa sang 6 ka mga rebelde nga NPA ang puluy-an sang mga biktima kag ginpaunlanan sang bala.
Naka-angkon sang igo sa ulo kag nagkalain-lain nga bahin sang lawas ang mga biktima nga gintunaan sang gilayon nga kamatayan sang mga ini.
Narekober naman sa crime scene ang maraming bala nga cal 45 nga armas luthang kag M16 armalite rifle.
Si Abenial kag ang asawa sini ang una na nga nakabaton sang pagpamahog kag death threats halin sa mga anay kaupdanan nga mga NPA.
Nahibaluan nga mabaskog man ang presensya sang rebelde nga grupo sa banwa sang Makilala kun sa diin nagakolektar ang mga ini sang pagkaon nga kwarta.
Sa karon, isa sa mga gintan-aw nga motibo sa pagpangluthang amo ang retailation sang mga kaupdanan nga NPA.
