KORONADAL CITY – Pagapasakaan na sang kaso nga paglapas sa R A 9165 o Comprehensive Dangerous Drugs Act of 2002 kag illegal posession of firearms and ammunition ang mag-asawa nga bigtime drug personalities sa banwa sang Datu Odin Sinsuat sa probinsya sang Maguindanao.
Ang mga naarestar amuh sanday Kutin Guiamel kag Jenny Abdullah nga notoryus sa pagsuplay sang iligal nga droga sa South Central Mindanao.
Sa operasyon nga ginpangunahan sang PDEA ARMM, naglab-ot sa 20 ka gramos sang shabu ang narekober nga ginabulubanta sang masobra P100,000, narekober man ang isa ka submachine gun, 2 magazine nga may 40 ka bala, mga dokumento sang transaksyon sa iligal nga droga kag mga drug paraphernalia.
Ginasiling nga mga myembro suno pa sang drug group nga El Patron ang mag-asawa kun sa diin kalakip man ang mga ini sa high-value targets sang PDEA ARMM kag sakop sang iligal nga operasyon ang mga probisyon sang Maguindanao, North Cotabato, Tacurong City kag South Cotabato.
Sa karun yara sa kustodiya na sang PDEA-ARMM ang mag-asawa nga durugista.
