Mag-asawa nga drug pusher arestado sa Sultan Kudarat

KORONADAL CITY- Natikma ang duha ka mag-asawa nga drug pusher sa bahin sang Isulan Sultan Kudarat.

Sa interbyu sang Bombo Radyo Koronadal kay Police Superintendent Joefel Siason, hepe sang Isulan PNP, arestado ang mag-asawa nga sanday Silvester Guiamalon kag Bai Sitti Ampatuan Guiamalon nga notoryus sa pagdeliver kag pagduso sang shabu sa pila ka bahin sang Sultan Kudarat.

Madinalag-on naman ang ginpatigayon nga anti illegal drugs operation sang Isulan PNP kaupod ang Provincila Intelligence branch sang Sultan Kudarat kun sa diin nakuhaan ang mga ini sang 10 ka gramo sang shabu.

Nahibaluan nga ang mga suspek ang naghalin pa sa Dalican, Datu Odin Sinsuat Maguindanao samtang ang ila naman supplier sang shabu ang naghalin sa Talitay, Maguindanao.