Madamo nga lugar sa Ukraine ang nadulaan sang suplay sang kuryente bangod sa airstrike sang Russia

Nadulaan sang suplay sang kuryente ang madako nga parte sang Urkaine matapos ang ginlunsar nga malapad nga pag-atake sang Russia.

Suno kay Ukrainian President Volodymyr Zelensky nga naggamit sang mga missiles kag drones ang Russia nga nag-igo sa capital sa Kyiv amo man sa mga lugar sang Donetsk, Lviv kag Odesa.

Naigo man ang mga thermal energy plants sang pinakadako nga private energy company sa Ukraine amo nag resulta ini sa malapad nga pagkadula sang suplay sang kuryente.

Ginakabig ni Zelensky nga ini na ang pinakamalapad nga pag-atake sang Russia sa Ukraine.