KORONADAL CITY- Nagpabutyag sang indi pag-pabor si Bishop Dinualdo Guttierez sang Diocesse of Marbel angot sa ginaduso nga same sex marriage kag pagsuporta ni Pres. Rodrigo Duterte sa nasambit nga proposal.
Samtang una na nga nanawagan sa Bombo Radyo Koronadal si Bishop Guttierez sa mga pumuluyo nga ipangamuyo si Pres. Duterte kag ang mga mamalidha nga masanagan angot sa isyu sang same sex marriage.
Nagakadapat lamang nga magsunod ang mga lider sa kabubut-on sang Diyos para sa ikaayo sang pungsod.
Dugang pa sini nga isa ka paglapad sa layi sang Diyos ang ginaduso nga same sex marriage.
Nagapati man ini nga magatuga sang madamo kalamidad ang pagpatuman sang same sex marriage.
Kaangot sini madamo sang myembro sang LGBT sa South Cotabato ang nalipay sa suporta nga ginapakita sang presidente apang kadamuan ang nahibaluan nga indi pa preparado ang pungsod agud ipatuman ini.
