Preparado nga magsabat si anay Criminal Investigation and Detection Group (CIDG) Director kag subong nga SOCCSKSARGEN Regional Director PBGen. Romeo Macapaz Jr. matapos siya ginpatawan sang tatlo ka bulan nga suspensyon sang National Police Commission (NAPOLCOM).
Sa isa ka text message, ginpahayag ni Macapaz nga ginahalinan niya sang respeto ang desisyon sang komisyon kag ginabaton man niya nga siya magpaidalom sa isa ka preventive suspensyon.Suno sa iya, bilang kabahin man sang proseso sang NAPOLCOM, handa siya nga atubangon kag sabton ang tanan nga alegasyon nga ginahaboy sa iya sang Patidongan Brothers.Nadumduman nga nagsumite sang kaso ang mag-ulutod nga sanday Julie kag Elakim Patidongan sa opisina sang NAPOLCOM bangud sa alegasyon nga ginkuha ang ila mga personal nga cellphone, kag gin-delete kag ginkuha ang mga importante nga impormasyon nga pwede tani makabulig sa pagsulbad sang kaso sang mga nadula nga mga sabungero.Samtang, base sa resolusyon sang komisyon, nakita nga may mabakod nga basehan ang mga alegasyon batok kay Macapaz, rason nga siya ginpasakaan sang 90 ka adlaw nga suspensyon.
