KORONADAL CITY – Ginpasiguro sang Armed Forces of the Philippines (AFP) nga malinong na kag luwas sa sin o man nga mga sibilyan ang Sitio Tukanalipao, Mamasapano, Maguindanao ang lugar kung sa diin natabo ang brutal nga pagpatay sa 44 ka mga katapo sang Special Action Forces (SAF) Troopers siyam ka tuig na ang naglabay.
Ini ang ginpahayag ni BGen. Oriel Pangcog, commanding officer sang 601st Brigade Philippine Army sa interbyu sang Bombo Radyo Koronadal. Suno kay Pancog, ginakabig na ang peace zone ang lugar kung sa diin may mga sundalo nga nakabantay kag amat-amat naman nga nakaangkon sang development para sa mga residente.
Madamo suno pa sang aktibidad nga ginhiwat agud dumdumon ang kabaganihan sang 44 elite forces nga napatay sa natabo nga mis-encounter sa tunga sang mga ini kag sa mga armado nga grupo lakip na saang Moro Islamic Liberation Front (MILF) at Bangsamoro Islamic Liberation Front (BIFF).
Dugang pa ni Pancog, ang panghilitabo ang nangin leksyon ilabi na sa ila nga grupo agud nga indi na maliwat pa ang pagkapatay sang SAF. Sa karon, nagapanawagan ang opisyal sa tanan ilabi na sa mga luyag mangin sundalo o katapo sang Philippine National Police (PNP) nga padayon nga magpursige bangud pinasahi kag fulfilling ang mabatyagan kung may yara sang pagpanerbisyo sa pungsod.
