KORONADAL CITY- Natalana na nga pasakaan sang kaso ang isa ka empleyado sang Land Transportation Office Tacurong District makaligad maarestar sa ginpatigayon nga entrapment operation sa nasambit nga syudad.
Suno sa Tacurong City PNP ang suspek amuh si Mohamad Palakasi Mangudadatu, 28 anyos may yara sang asawa kag residente sang Buluan, Maguindanao kag empleyado sang LTO Tacurong.
Nahibaluan nga ginreklamo ang nasambit nga LTO enforcer bangud sa iligal nga hilikuton kun sa diin sa operasyon naaktuhan ini nga nagapangotong sang P1,500 bilang katal-os sa pagrelease sang na impound nga motorsiklo.
Una na nga ginpanginwala sang suspek ang akusasyon batuk sa iya apang wala na ini sang mahimo pa bangud mabaskog ang ebidensya batuk sa iya.
Sa karun yara na ini sa kustodiya sang Tacurong City PNP kag natalana nga pasakaan sang kaso.
