KORONADAL CITY- Temprano nga naglinya ang mga lotto bettors sa syudad sang Koronadal makaligad ginmando ni Pres. Rodrigo Duterte ang paglift sang suspensyon order sang operasyon sang lotto sa bug-os nga pungsod.
Sa interbyu sang Bombo Radyo Koronadal kay alyas Nita, lotto agent sa isa ka lotto outlet sa Koronadal, nagapasalamat ini bangud makasugod na sila liwat sang operasyon kag nakakas ang kahadlok nila nga madulaan sang trabaho.
Bangud sa pagkakas sang suspensyon order, alas 7 sang aga pa lamang pasensyuso nga naghulat ang mga luyag magtaya.
Nahibaluan nga ginkalipay sang mga manugtaya sang lotto ang pagbawi sang suspension order bangud nagapati sila nga wala suno pa sang sala sa operasyon sini luwas na lamang sa padayon pa nga gina imbestigaran nga Small Town Lottery, Keno kag Perya ng Bayan.
