KORONADAL CITY -Dako ang pagpasalamat sang lone survivor sa ikaduha nga kabuhi sini matapos ang pagpangluthang sa Purok 5 Luayan, Brgy. Dumadalig, Tantangan, South Cotabato kun diin apat katawo ang napagkit nga patay.
Sa interview sang Bombo Radyo kay alyas Freddie, ginpahayag sini nga nagpadulong sila sa house blessing sang iya nga pakaisa kag nagkinasadya sang hinali sila nga ginpangluthang sang wala pa nakilala nga suspek gamit ang isa ka M16 rifle.
Suno kay Freddie, naigo siya sa nawala nga kamot sini kag gilayon nga naghapa kag nagpanago subong man nagpakuno-kuno nga patay samtang ginapangtiro ang mga pakaisa sini.
Gilayon siya nga nagpangayo sang bulig sa mga residente makaligad ang lima ka minuto nga nagpalagyo naman ang suspek.
Dako man ang pagpasalamat ni Freddie sa ikaduha nga kabuhi sini agud maasikaso pa ang iyan nga pamilya.
Nahibaluan nga apat ang napagkit nga patay sa insidente kun diin kalakip diri sanday Ronald Vallespin, Argie Villorente, Jerry Yuarata kag Marcelo Combiz.
Sa subong ginapangita na sang Tantangan PNP ang mga suspek sa nagluntad nga masaker kag ginahibalo pa ang matuod nga motibo sa pagpangluthang.
