-- ADVERTISEMENT --
KORONADAL CITY – Nagapadayon ang imbestigasyon sang mga otoridad sa nagluntad nga pagbuno-patay sa iya kaugalingon sang isa ka lolo sa banwa sang Surallah, South Cotabato.
Ginkilala ni Police Staff Sgt. Ronil Armisin sang Surallah PNP ang biktima nga si alyas Ponyong, 79 anyos, balo kag residente sang Barangay Centrala, Suralla, South Cotabato.
Sa interbyu sang Bombo Radyo Koronadal kay Armisin, ginpahayag sini nga nasapwan na lamang sang iya bata ang biktima nga wala na sang kabuhi kag may nagaangot nga kutsilyo sa tiyan sini.
Nagluntad ang insidente kaina sang aga kun diin padayon nga ginahibalo kun ano ang motibo sa paghikog sang biktima.
