KORONADAL CITY- Ginpamatud-an sang isa ka senior citizen nga wala sang may ginapili nga edad ang edukasyon makaligad nga makagradwar sa High School.
Ginkilala ini kay Lourdes Ignacio, 79 anyos, biyuda, nga residente sang Barangay Bukay Pait sa banwa sang Tantangan, South Cotabato nga kalakip sa mga estudyante sang Bukay Pait National High School nga nag-gradwar sang Junior High School.
Ginpahayag ni Ignacio nga anay man nangin kagawad kag barangay Chairman sang Bukay Pait, nangin inspirasyon sini agud magtuon ang pito ka mga professional nga bata sini.
Sa pagkamatuod, nag-eskwela ini liwat makaligad nga gindesignar nga principal sa nasambit nga buluthuan ang isa niya ka bata.
Isa man sa mga bata sini ang District Supervisor ng Deped sa banwa sang Tampakan, South Cotabato.
Ang duha naman sa iya mga bata ang nakapamana sang Turk national kag nagapuyo na karon sa pungsod Turkey.
Ginpahayag ni Ignacio nga magluwas sa kapigaduhon temprano siya nga nagpamana sadto rason nga grade 6 lamang ang iya nga natapos.
Kaupod nga naggradwar ni Ignacio sa Junior High School si Rome Dominic Darroca ang isa sa 19 ka mga apo sini nga ginapabugal naman sang iya nga lola.
Ginpahayag pa ni Ignacio nga kun may yara sang tsansa igapadayon niya ang pagtuon sa senior high school kag kolehiyo.
Lubos naman nga ginkalipay sang Bukay Pait National High School ang paggradwar ni Lola Ignacio.
