Sa interbyu sang Bombo Radyo Koronadal kay Estrella Molina, 74-anyos kag residente sang Prk Sampaguita, Brgy Saravia, Koronadal City dako nga bulig ang wheelchair nga nabaton sini bangud halos 20 ka tuig na ini makalakat sang maayo.
KORONADAL CITY- Emosyunal nga nagpasalamat sa Bombo Radyo Philippines ang isa sa nilibo ka benepisyaryo sang Bombo Medico 2019 makaligad nga makabaton sang libre nga wheelchair.
Suno kay Gng Molina, temprano pa lang sang nag-abot na sila sa venue sa Koronadal National Comprehensive High School upod ang iya 79-anyos nga bana.
Wala man ginsapak sang mga ini ang malain nga dalagan sang paniempo agud nga makakadto lang sa Bombo Medico 2019.
Tuman man ang kalipay sang tigulang bangud sa pinaka-una nga higayon makabaton kag maka-usar na ini sang wheelchair pinaagi sa bulig sang Bombo Radyo Koronadal.
Makalagaw kag makahulag naman suno pa ini sang maayo bangud sa nabaton nga libre nga wheelchair.
Sa karon, padayon pa ang pagdagsa sang mga indigent beneficiaries halin sa nagkalain-lain nga lugar sa South Central Mindanao agud magtambong sa Bombo Medico 2019.
