KORONADAL CITY– Pagapangunahan mismo sang lokal nga gobyerno kag simbahan sa Norala, South Cotabato ang pagwelcome kay Father Chito Suganob, ang pari nga survival sa kamot sang Maute-ISIS sa Marawi City.
Sa interbyu sang Bombo Radyo Koronadal kay Boyet Suganob, otod ni Father Chito, ginpahayag sini nga subong nga semana ginalauman ang pag-abot sang pari.
Kanagot sini, nag-arabot naman ang ila mga himata gikan sa Ilo-Ilo City agud personal nga makita ang pari matapos ang iya nangin eksperyensya sa kamot sang mga Maute.
Samtang nahibaluan nga tuman naman ang kalipay sa mga taga South Cotabato bangud matapos napabalita ang pag-abot sang pari, madamo na suno pa ang nagadonate sang mga tarpaulins bilang pagpakita sang kasadya nga nakabalik sa probinsya ang Marawi priest.
Sa subong todo handa naman ang Norala LGU kag simbahang katoliko sa welcome party para kay Father Chito.
