Matinlo kag malampuson nga nagtakop ang ginpatigayon nga 2025 Local Elections Platform Forum sa Notre Dame of Marbel University .
Ini ang ginkumpirmar ni Dr. Wilter C. Friales, Director sang Office of Student Affairs sang nasambit nga unibersidad.
Suno sa iya, nangin madinalag-on ang aktibidad bangud sang aktibo kag positibo nga pagbaton sang mga estudyante.
Isa sa mga highlight sang forum amo ang personal nga pagtambong sang mga local sa local electoral candidates sa syudad sang Koronadal.
Ginpahayag man ni Dr. Friales nga isa sa mga tinutuyo sang forum amo ang paghatag oportunidad sa mga estudyante nga makapakigbahin sa amu nga mga plataporma kag makakonektar sa isyu nga may kahilabtanan sa ila lebel.
Dugang pa niya, isa ini ka pamaagi sa pag-abri sang espasyo para sa mga diskusyon nga may kahulugan kag kabangdanan para sa kabataan.
