Nag-umpisa na subong nga adlaw, Lunes, Abril 28, 2025, ang tatlo ka adlaw nga Local Absentee Voting (LAV) para sa mga government employees, kapulisan, kasundalohan, kag mga miyembro sang media nga naga-duty sa adlaw sang eleksyon, Mayo 12.
Suno kay Comelec Chairman George Erwin Garcia, may kabug-usan nga 57,000 ka mga kwalipikado nga botante ang ginpaabot nga magamit sang LAV. Ang mga botante makaboto lang para sa mga senatorial candidates kag party-list groups halin alas 8:00 sang aga tubtob alas 5:00 sang hapon. Ang mga nagamit sang LAV indi na makaboto sa ila regular nga presinto sa adlaw sang eleksyon.
Ang LAV ginpatuman agud masiguro nga ang mga naga-duty sa adlaw sang eleksyon makahatag sang ila boto bisan pa sa ila mga obligasyon. Ang mga botante nga nagamit sang LAV kinahanglan magdala sang valid ID kag magpirma sa election officer nga assigned sa ila lugar.
Ang mga botante nga wala nakaparehistro para sa LAV indi makagamit sini kag kinahanglan magboto sa ila regular nga presinto sa Mayo 12.
Ginapanawagan sang Comelec ang tanan nga kwalipikado nga botante nga magamit sang LAV agud masiguro ang ila partisipasyon sa eleksyon.
