KORONADAL CITY – Ginakabig subong sang iya pamilya kag sang bug-os nga region 12 ang ginakabig nga “little mermaid” sang Soccsksargen region matapos nga mangin gold medalist kag mabreak sini ang Palaro record sa 400m free style sa nagapadayon nga Palarong Pambansa 2017 sa Antique.
Nagpanguna si Diane Canda sang General Santos City sa 17 ka mga rehiyon sa 400 meter free style kun diin nalabawan sini ang anay Palaro record nga 4:51:83 nga nakuha ni Imee Joy Saavedra sang Laguna sang Palaro 2014 makaligad nga maglab-ot lamang sa 4:47.70 ang nakuha nga record sini.
Suno kay Odette Butil, coach ni Canda, ginalauman na suno pa nga ma-break sini ang palaro record bangud sa ginpakita nga dedikasyon sini sa swimming humalin pa lamang sa rigid training tubtob sa adlaw mismo sang kompetisyon sa nagapadayon nga national sporting event.
Dugang pa sini nga yara man sa maayo nga kondisyon si Canda kag nahimo pa sini ang perfect stroke nga amo ang kinahanglan.
Magluwas kay Canda, nakakuha pa sang 3 ka mga gold medals ang Region 12 gikan sa swimming.
