KORONADAL CITY- Nagapatigayon sa gihapon ang total assessment sang mga opisyal sa nagtay-ug nga mabaskog nga 7.3 magnitude nga linog sa coast sang Fukushima, Japan.
Gilayon man nga nagpapanaug sang tsunami alert sa North East coast ang Japan Meteorological Agency.
Nadulaan naman sang kuryente ang masobra duha ka milyon nga mga pamalay sa Tokyo, Japan.
Sa inisyal nga impormasyon, nagdangat na sa 88 ang mga nasamaran kag isa ang narekord nga napatay sa natabo nga linog.
Suno kay Bombo International Correspondent Josel Palma, direkta sa Japan, nagapadayon pa ang assessment sa apektado nga lugar sa kabug-usan nga halit nga tuga sang linog.
Ang rehiyon ang kabahin sang North Japan nga gin-igu man sang makamamatay nga 9.0 magnitude nga linog kag tsunami sang 2011.
Nagpasalig naman suno sa natungdan ang Japan government sa pagpatigayon sang search and relief opearations.
