Naeksperyensyahan sa bahin sang Myanmar ang Magnitude 7.7 nga linog pati man sa kaiping nga mga pungsod lakip ang Thailand. Nagluntad ang nasambit nga Linog subong nga hapon, 2:20 Philippine Standard Time.
Nagtiphag ang duta kag mga dalan kag pati man ang pag guba sang mga atop sang edipisyo.
May mga reports sang mga tawo nga na stuck suno pa sa nahugno nga edipisyo sa Chatuchak nga area sang Bangkok apang wala pa sa karon sang opisyal nga numero sang nabawian sang kabuhi kag mga pilason.
Samtang, nagapadayon ang mga otoridad kag mga emergency response teams sa pagresponde sa natabo.
Ginakutkot kag ginapangita ang posible pa nga mga survivors nga posibleng naipit sa mga nahugno nga edipisyo.
Ginalantaw man ang epekto sang linog sa iba pang bahin sang Myanmar kag mga kaiping nga lugar, samtang ang mga eksperto sa seismology nagapadayon sa pagmonitor sa posible nga mga aftershocks nga mahimo pa magluntad.
Sa karon, ginapanawagan sang gobyerno ang katawhan nga maghalong kag magpabilin sa hilway nga lugar agud malikawan ang posible nga dugang sa trahedya. Nagapadayon ang assessment sa danyos kag ang emergency response para sa mga apektado sang linog.
