Indi magnubo sa 14 ka tawo ang napatay kasunod sang ginapatihan suicide bombing sa gwa sang police station sa northwestern Pakistan.Naglundad ang paglupok sa Kabal nga lugar sang distrito sang Swat sa probinsya sang Khyber Pakhtunkhwa.
Suno sa mga otoridad, ginalakipan sang mga napatay ang lima ka pulis, walo ka sibilyan, kag ang ginapatihan suicide bomber. Ginabulubanta mga 18 ka tawo ang napilasan sa insidente.
Bangud sini, nagpatigayon sang isa ka pro-police rally ang sa lugar, apisar pa nga wala pa maathag kun ang rally amo ang gintuyo nga target sang pag-atake.
Samtang, gin-ako sang militante nga grupo nga Tehreek-e-Taliban Pakistan ang responsable sa insidente.Nagpabutyag naman ang Pakistani Prime Minister Muhammad Shehbaz Sharif sang mabaskog nga pagpakig-unong kag nagpakamalaot sa pag-atake.
Padayon naman nga naga-atubang ang Pakistan sang nagadugang nga mga insurgency, kag naga-akusar sa Taliban sa Afghanistan nga nagasuporta sa mga militante nga grupo—isa ka alegasyon nga hugot nga ginapanghiwala sang Taliban.
