KORONADAL CITY – Nakadawat sang initial report may kaantangan sa flashflood incident sa Sultan Kudarat ilabi na sa Munisipalidad sang Bagumbayan ang barangay Daguma.
Ini ang nangin pahayag ni Joriemae Balmediano, Information Officer OCD-12 sa interbyu sang Bombo Radyo Koronadal.
Ginpahayag sini nga nagluntad ang flash flood sa nasambit nga lugar kag dayun man nga nag subside ang level of water apang naka apekto lamang ang flash flood nga kung sa diin may yara sang lima ka panimalay nga totally washed out.
Suno saiya nga padayun gihapun ang validation kag assessment sang Munisipalidad kag DRMMC sa Bagumbayan para sa mga kabug-usan nga numero sang apektado nga mga pamilya nga yara sa evacuation center.
Gina tsekyar man ang damage to properties kung pipila ba ka panimalay ang apektado, kun may nadugang ba sa lima ka panimalay nga naguba, kung ano pa ba ang partially damage nga mga panimalay kag amu man ang mga critical infrastructures ilabi na sa Agriculture sectors nga isa man sa ginalantaw kung ano kalapad ang nangin danyos sang pagbaha.
Dugang pa sini nga on going ang deployment sa mechanist analysis agod nga makita kag mahibaluan kung ano kalapad ang epekto sang natabo nga pagbaha kag on going man ang paghatag sang ayuda sa mga apektado nga pamilya.
