KORONADAL CITY- Emosyonal nga ginpakigbahin sa Bombo Radyo Koronadal ni Gng. Ana Javellana, taga Tampakan, South Cotabato ang kumpirmasyon sa masubo nga balita nga lakip ang ila lima ka miyembro sang pamilya sa casulaties sa nagluntad nga pakahulog sang ceres bus sa pil-as sa Hamtic, Antique.
Sa karon, halos indi pa ini makapati sa natabo kag luyag na nga makita ang ila nga mga himata.
Ang lima sa ila nga pamilya nga pasahero gikan sa South Cotabato nga lakip sa 17 ka mga napatay amo sanday: Fritzie Javellana-Alcala, Jomarie Alcala, Zairon Alcala, Federica Singh (Indian national), kag Jessie Javellana, 36 anyos.
Suno pa kay Ana, nagbakasyon lamang ang siyam ka bilog sini nga pamilya sa Iloilo sang Nobyembre 28,2023 kung sa diin lima sa mga ini ang nagsakay sa Ceres bus padulong sa Antique sang matabo ang aksidente.
Nakatalana kun tani nga mag puli ang mga biktima buwas sa South Cotabato .Sa karon nagapanawagan sila sa mga otoridad nga maretrieve ang mga napatay sa aksident
