Hindi magnubo sa lima ka barko ang naatake sa Persian Gulf kag Strait of Hormuz matapos nga ginbato sang mga bangka nga may karga nga eksplosibo halin sa Iran ang duha ka fuel tanker sa kadagatan nga sakop sang Iraq, suno sa mga opisyal sa pantalan kag mga kompanya sang maritime security.
Nasunog ang duha ka tanker kag isa ka crew member ang napatay, samtang padayon nga ginapangita sang mga rescue team ang iban nga nadula.
Suno sa mga datos, ang mga barko nga natamaan amo ang Safesea Vishnu kag Zefyros, nga kasubong may karga nga petrolyo halin sa Iraq.
Ginakabig ini nga insidente bilang paglala sang tensyon sa tunga sang Iran kag pwersa sang United States–Israel, nga nagresulta sa 16 ka barko nga naguba halin sang nagsugod ang mga pag-atake sang Pebrero 28.
Bangud sa padayon nga kinagamo sa Strait of Hormuz, nga gin-agian sang halos isa ka-kapat sang suplay sang gatong sa kalibutan, halos nag-untat ang shipping sa lugar.
Nagtuga ini sang pagsaka sang presyo sang lana sa global nga merkado, nga nakaabot sa pinakamataas nga lebel halin sang 2022.
