KORONADAL CITY – Madamo na sang napagkit nga missing sa nagluntad nga pagpanalasa sang SuperTyphoon Hagibis sa Japan kag may yara na sang 23 nga napagkit nga ginbawian sang kabuhi.
Ini ang base man sang pinakalatest nga impormasyon halin sa gobyerno sang Japan.
Padayon man nga ginapangita ang mga napagkit nga nadula bangud nadala sang baha kag landslide.
Samtang sa pihak nga bahin, ginakabig naman nga makapalala lang sa sitwasyon kag balatyagon sang mga taga-Japan ang mga posts, laragway kag video nga makit-an sa social media nga tuman ang pagpanalasa sang tubig baha bangud indi suno pa validated kun sa Japan gid man ini natabo.
Suno kay Bombo International Correspondent correspondent Gretha Jerez, residente sang Gensan City kag kasamtangan nga yara sa Japan, indi makabulig ang pagshare sang mga videos online nga nagapakita sang epekto sang pagpanalasa sang bagyo nga wala man natabo sa Japan.
Nagakadapat suno nga sekyaron kun fake news ang mga nasambit nga posts online.
Sa karon, nagapabilin nga luwas ang mga Pilipino sa Japan kasunod sang SuperTyphoon Hagibis.
Nagpasalamat ang Pinay OFW bangud sa madasig nga pagpadala sang telecommunication agency sa Japan sang mga warning kag alert level bangud hugot nila nga ginahatagan importansya ang kabuhi sang tawo.
