-- ADVERTISEMENT --
Ginpakamalaut ang isa ka Chinese aquarium matapos nga gin-islan ang matuod nga whale shark sang life-size robotic version agud nga makita ang movements sang marine animal.
Liwat nga nagbukas ang Xiaomeisha Sea World sa Shenzhen, China sang mga bisita matapos ang lima ka tuig nga hiatus matapos magpaidalum sa renovation.
Ang 60,000-square-meter marine park ang maka-cater sang 100,000 paying visitors kada semana apang napalibutan sang kritisismo ang nasambit nga aquarium bangud sa kontrobersiya sa robotic whale shark.
Suno sa pila ka source, madamo nga bisita ang nadismaya sang makita ang whale shark nga nagalangoy sa dako nga aquarium nga man-made kag wala man lang nagpahibalo ang Xiaomeisha Sea World nga wala sang matuod nga pating.
