Neutral ang pagpamuno kag nagapanawagan sang katawhayan ang liderato sang Purok Matulungin sa Brgy. Zone 3, syudad sang Koronadal sa masunod nga re-election sa ila lugar.
Sa exclusive interview sang Bombo Radyo Koronadal, ginpasiguro ni Mario Sorongon, presidente sang association, nga indi sila magkampi sa bisan ano nga kampo kag prayoridad nila ang malinong kag matawhay nga eleksyon.
Ginpanawagan niya ang mga residente nga magpili sang husto kag may kapasidad nga lider nga makadumala sing maayo sang purok.
Samtang sini, gin-ako niya nga may yara pa sang gina-alegar nga isyu nga naga-ulamid sa isa ka purok chairwoman, apang padayon ini nga ginaremedyuhan agud masolbar sa pamaagi nga wala sang gamo.
Gindugang pa ni Sorongon nga dapat tapuson na ang mga indi pag-intindihanay agud magbalik ang bug-os nga pagbinuligay sa komunidad.
Samtang, gin-awhag man niya ang tanan nga residente nga mangin responsable, maglikaw sa kinagmo, kag magbinuligay para sa kaayuhan sang Purok Matulungin.
