KORONADAL CITY – Magluwas sa pagpabakuna sang mga ido may ara man ginatigayon ang syudad sang Koronadal sang free microchipping ini ang nagin pahayag ni Dr.Charlemagne S. Calo – CITY VETERINARIAN sa interview sang bombo radyo Koronadal.
Suno kay Calo, paagi sini makontrol kag mamonitor na ang ila nga ido sa ginatawag nga microchipping kung sa diin may ara na ini sang dog registry.
Bangod sini madasig na mahibal-an kun pila ang numero sang mga ido sa isa ka barangay kag kung mapadasig man ang pagupdate kun pipila pa ka mga ido wala pa napabakuna.
Suno man kay Calo isa ini ka mandatory microchipping, agud kung may maimpound suno pa nga ido, madasig lang mahibal-an kun sin-o ang tagiya sini kag pagamultahan ang nagapanag-iyahan agud indi ini magdugay sa impound center bangod mabudlay man ang magin sitwasyon sini didto.
