LGU Tampakan magbibigay ng reward money sa mga informant’s vs illegal “banlasiro”

Magbibigay ng reward money ang Local Government Unit (LGU) Tampakan sa sinumang makapagtuturo o makapagbibigay ng impormasyon tungkol sa mga sangkot sa illegal hydraulic mining o “banlas” sa bayan.

Ayon sa lokal na pamahalaan, ang reward ay nakalaan sa mga sumusunod:

• ₱50,000 para sa imbolbadong Municipal Officials
• ₱30,000 para sa imbolbadong PNP, AFP, at iba pang uniformed personnel
• ₱25,000 para sa imbolbadong Barangay Officials
• ₱25,000 para sa imbolbadong Municipal Employees

Binigyang-diin ng LGU na mahaharap sa mabigat na parusa ang sinumang mapatunayang sangkot sa “banlas,” opisyal man o pribadong indibidwal.

Hinikayat ni Mayor Junjun Escobillo ang publiko na magsumbong ng anumang impormasyon. Maaaring makipag-ugnayan sa kanya sa 0906-363-2419 o sa Facebook Messenger accounts nina Leonard Escobillo at Junjun Escobillo.

Lahat umano ng impormasyon ay confidential.