KORONADAL CITY – Wala nagpabaya ang talatapan sang LGU Norala sa paghatag sang bulig sa pamilya sang mag-asawa nga pagpamuno-patay sa ila lugar.
Ini ang ginpasalig ni Mayor Clemente Fedoc, sa interview sang Bombo Radyo Koronadal.
Suno kay Mayor Fedoc, halin sang nakaabot sa iya nag balita sang Sabadi gilayon na ini nga nagpakig-angot sa pamilya bangud malayo niya man suno pa ini nga humata.
Dugang pa sang alklade, naghatag na ini gilayon sang bulig kun diin nagbakal ini sang trapal agud nga may ipatindog nga palaypay ang pamilya sang namatyan antes makaabot sa ila sini panimalay ang bangkay sang mag-asawa.
Dugang pa sini, nga indi man ini maga-untat sa paghatag sang bulig tubtob sa makaya sini bangud isa man ini ka obligasyon sang opisyal sang banwa nga buligan ang katawhan kung yara ini sa kapigaduhon ukon sa sitwasyon nga nagakinahanglan gid sang bulig.
Madumduman nga ginpatay mismo sang iya bana si Misis Espesor nga isa ka Brgy. Treasurer sa Bagumbayan kag naghikog man ang bana sini.
Sa karon nabilin sang mag-asaw ang ila nagaisahanon nga bata nga may kaugalingon naman nga pamilya.
Ginkasubo naman sang alkalde ang natabo sa mag-asawa kag nagpasalig nga pagtutukan na sang LGU ang mental health sang katawhn paagi sa mga programa nga igaimplementar.
